愛回家吃飯系列 - 惹味咖哩蘿蔔魚蛋

《咖喱蘿蔔魚蛋》

不論喺糖水舖又或者街邊小食檔，咖喱蘿蔔魚蛋呢款小食都非常受歡迎。在外邊食，好多時候遇到啲咖喱汁太鹹或太糊，就算夠辣都未必夠香；魚蛋细細粒唔夠彈牙皆因粉太多。想食得滋味啲痛快啲，自己煮其實都好方便。
天氣轉涼，白蘿蔔開始靚，重身水份夠又無乜渣。
用咗夠辣又夠香、非常惹味嘅「蘇太咖喱醬」慢火炆白蘿蔔，再配埋大大粒爽口彈牙魚蛋王，好好味呀！